3 shqiptarë të Luginës së Preshevës do të ulen në parlamentin e Serbisë. Koalicioni alternativa demokratike shqiptare ia ka dalë të sigurojë 3 deputetë në zgjedhjet e 21 qershorit.
Kryesuesi i listës së bashkuar, shaip kamberi me anë të një postimi në facebook tha se fitorja ka ardhur si rezultat i një bashkëpunimi të partive shqiptare me tiranën dhe përkrahjes së prishtinës.
“Tre mandate për deputet të siguruara tashmë nga “Lugina e Bashkuar”, si rezultat i një bashkëpunimi të partive shqiptare me Tiranën dhe përkrahjen e Prishtinës.
Ngritje e fuqisë politike të shqiptarëve që duhet materializuar në ndërtimin e strategjisë së përbashkët”, ka thënë Kamberi.
Kjo është hera e parë që shqiptarët në luginën e Preshevës morën pjesë në zgjedhjet e përgjithshme të serbisë si një koalicion i vetëm.
