Për zgjedhjet për kryetar të bashkisë Kavajë, janë regjistruar zyrtarisht 3 kandidatë. Partia Socialiste ka ndryshuar kandidaturën e saj, duke vendosur që të përfaqësohet nga Dorian Murati. Partia Demokratike, e cila kishte bojkotuar garën e 7 majit, pas shtyrjes së zgjedhjeve, do të përfaqësohet me kreun e degës së saj Isa Sakja. Ndërkohë në garë është përfshirë edhe LSI, e cila do të garojë me Maksim Konen. Para shtyrjes së zgjedhjeve për kryebashkiak të Kavajës, LSI ishte shprehur se nuk do bëhej pjesë e një procesi zgjedhor farsë.
