Vazhdon pranimi i mandateve nga deputetët e opozitës. Këtë të premte tre deputetë të tjerë nga listat shumëemërore të Partisë Demokratike kanë dorëzuar në Komisionin Qendror të Zgjedhjeve formularin e dekriminalizimit.
Pjesë e listës së deputetëve që pranuan mandatin janë Kostaq Papa e Ares Ypi nga Qarku Tiranë dhe Krenar Rryçi nga Qarku Durrës.
Ndërkohë tashmë pritet që Komisioni Qendror i Zgjedhjeve që do të shqyrtojë dhënien apo jo të mandatit te këtyre tre deputetëve për të kaluar më pas në seancën e javës së ardhshme ku do të bëjnë betimin.
