Tragjedia me turistët në Kavajë/ Mediat ruse: 31-vjeçarja dhe partneri i saj do martoheshin pas pushimeve

Dy nga katër turistët rusë që u gjetën të pajetë në ambientet e një hoteli në Qerret të Kavajës, Ekaterina Burenkova, 31 vjeçe dhe partneri i saj Nikita Belousov, 37 vjeç, do të martoheshin pas pushimeve.

Mediat ruse shkruajnë se kur të ktheheshin në Rusi, çifti kishte planifikuar një dasmë.

Sipas policisë, dyshohet se katër turistët janë asfiksuar brenda në sauna për shkak të qëndrimit për një kohë të gjatë në temperatura të larta, çka ul tensionin dhe sasinë e oksigjenit në gjak.

Ekspertiza mjeko-ligjore pritet të hedhë më shumë dritë mbi këtë ngjarje të rëndë.