Një aeroplan me 23 parashutistë në bord u rrëzua pranë qytetit Nenzelinsk në Republikën e Tatarstanit të Rusisë. 16 persona humbën jetën dhe gjashtë të tjerë mbetën të plagosur.
Mjeti fluturues i përkiste një klubi ajror lokal. Ai ra në tokë menjëherë pas ngritjes, duke u shkatërruar plotësisht.
Gabimi njerëzor dhe problemet teknike po konsiderohen si shkaqe të mundshme në aksidentin ajror. Hetuesit nuk e përjashtojnë edhe mbingarkesën, pasi numri i udhëtarëve në bord mund të ketë tejkaluar kapacitetin e avionit.