25 persona kanë humbur jetën e 2 të tjerë janë plagosur rëndë pasi avioni ushtarak me të cilin po udhëtonin u rrëzua pak para se të ulej në pistë.
Ngjarja e rëndë ka ndodhur në rajonin Kharkiv të Ukrainës
2 nga të mbijetuarit u hodhën nga avioni ushtarak para se të rrëzohej, ndërsa trupi i njërit prej 28 personave në bord nuk është gjetur ende.
Prokuroria e Ukrainës deklaroi se ka nisur hetimet lidhur me ngjarjen e rëndë të avionit AN-26 të ushtrisë ukrainase, i cili po kryente një fluturim trajnues. 7 prej pasagjerëve në bord ishin student të forcës ajrore të Universitetit Kharkiv, ndërsa të tjerët kadetë të Universitetit.
Shkak i tragjedisë duket se është bërë mosfunksionimi i motorit të majtë të avionit, rreth orës 20:50 të mbrëmjes së të premtes.
Presidenti Volodymyr Zelensky e cilësoi ngjarjen si një tragjedi të tmerrshme. Ai u shprehu ngushëllime familjarëve të viktimave dhe njoftoi se një komision qeveritar do të hetojë të gjitha rrethanat dhe shkaqet që çuan në rrëzimin e avionit.
