Një tragjedi goditi Nigerinë, ku 26 persona humbën jetën në një aksident me varkë në lumin Niger, në Nigerinë jugqendrore, në shtetin Kogi.
Konkretisht, sipas informacionit zyrtar, varka po transportonte tregtarë që udhëtonin nga zona Ibazi e Kogit drejt një tregu në Ilusi, në shtetin Edo, në anën tjetër të lumit Niger.
“Sipas informacionit të disponueshëm, ky aksident tragjik ka marrë jetën e të paktën 26 pasagjerëve”, tha Komisioneri i Informacionit të shtetit, Kingsley Fanwo, në një postim në “X”.
Mbytja e anijeve në lumenjtë nigerianë është një dukuri e zakonshme.
Ato zakonisht shkaktohen nga anije të mbingarkuara, mirëmbajtje e dobët ose mosrespektim i rregulloreve të sigurisë.
Në fillim të shtatorit, një anije u përmbys në një lumë në Nigerinë veri-qendrore, duke vrarë të paktën 32 persona në shtetin e Nigerit, në pjesën veri-qendrore të vendit më të populluar të Afrikës.
“Ne u bëjmë thirrje qytetarëve tanë, veçanërisht komuniteteve përgjatë brigjeve të lumenjve, që gjithmonë të kenë përparësi sigurinë duke shmangur mbingarkesën dhe duke përdorur jelekë shpëtimi”, shtoi ai.
