Babë e bir humbën jetën për shkak të një zjarri të rënë gjatë mesnatës në lagjen “Muzakaj” në Berat. “Vizion Plus” mëson se viktimat janë identifikuar si Jovan Vangjeli (babai) dhe Mateo Vangjeli (djali).
Dyshohet se ata i ka zënë tavani, ndërsa Jovan Vangjeli ishte i paralizuar. Shkak për zjarrin mendohet të jetë bërë një ngrohëse në shtëpinë e tyre.
Flakët më pas janë përhapur edhe në dy banesa të tjera aty ngjitur dhe kati i një pallati. Policia po punon për nxjerrjen e trupave të pajetë.
