Ish-Presidenti i Republikës, Bamir Topi, i ftuar në studion e emisionit “Quo Vadis” të moderatores Pranvera Borakaj, ka folur për raportin ne tij me kreun e Partisë Demokratike, Sali Berisha, në kohën kur Topi ishte pjesë e rëndësishme e strukturave të PD-së.
Ish-Presidenti ka shprehur edhe kritika për Sali Berishën, sa i takon drejtimit të partisë.
Pjesë nga biseda:
Bamir Topi: Sot më shumë në këmbë qëndron elektorati i majtë, ndërsa i djathti është i shpartalluar. Dhe kjo e ka shpjegimin, sepse ai që është në krye të së djathës sot ka qenë promotori kryesor që i bëri të djathtët të shpatralluar, me miratimin e ligjit 7501,pra, nuk ka të djathtë pa prona, apo jo? Dhe e dyta, me orinetimin në një drejtim që vetëm ai mund ta dinte me formimin që kishte. Unë s’kam patur asnjëherë probleme personale me askënd, edhe me atë që ishte kryetar i PD-së. Kemi bashkëpunuar në politikë…
Pranvera Borakaj: Keni debatuar fortë në politikë?
Bamir Topi: Absolutisht, kemi debatuar. Por rregulli ishte ky: debatonim, ama në publik ishte sjellja politike e institucionit. Debatet kanë qenë.
Pranvera Borakaj: Kishte diçka që ju e vlerësonit në drejtimin e partisë në atë kohë nga Sali Berisha?
Bamir Topi: Absolutisht, ai ishte njeri i dedikuar në atë pozicion, njeri që punonte shumë, njeri që për shumë gjëra më ka dëgjuar.
/vizionplus.tv
