Tonali shënon në shtesë dhe mban Milanin në garë për titullin kampion

Një tre pikësh I marrë në frymën e fundit, por jetik për të mbajtur gjallë shpresat tek tiulli kampion. Kështu mund të  përmblidhet e gjitha ajo që ndodhi në transferten kryeqytetase kundër Lazio-s, për ekipin e Milanit që është rikthyer të marrë kryesimin e Serie A pas një fitore të siguruar në minutën e 92. Një ndeshje shumë e vështirë në fakt ajo e Olimpikos luajtur mes shiut të rrembyeshëm që ndikoi jo pak në cilësinë  esfides. Lacio shënoi shumë shpejt me Ciro Imobilen duke ia bërë malore sfiden kuqezinjve, të mbështetur në këtë ndeshje nga një numër I jashtëzakonshëm tifozish, plot 11 mijë në transfertë. Skuadrës së Piolit iu deshën pak minuta që të merrte veten dhe të nistë të bëhej e rrezikshme në portën e Strakoshes. Gardiani shqiptar është me fat në dy raste pasi Zhiru dhe Rafael Leao goditen jashtë,. Në pjesën e dytë ai ka më shumë punë pasi Milani është shumë më kërkues  dhe ia del të zhbllokojë rezultatin shumë shpejt me anë të sulmuesit francez, I cili u shërbya nga Leao. Kuqezinjtë dominojnë por shpërdorojnë mundësi, fillimisht Mesias pas një aksioni personal godet jashtë. Pastaj Leao  ndalet nga Tomas Strakosha. Më tej portieri shqiptar ndal edhe gjuatjen e Rebic nga distance.  Më tej është radha e një tjetër shqiptar të bëhet protagonist, Elseid Hysaj që u fut zëvëndësues ndali gjuatjen e Ibrahimovic. Suedezi ishte protagonist gjithsesi në ekstremet e ndeshjes teksa në minuten e 92 me kokë ai sherbeu për Tonalin që e shtyi topin ne rrjete, duke e kthyer Milanin të parin me 74 pikë, dy më shumë sesa Inter që luan një ndeshje mjaft vendimtare të mërkurem, në Bolonja, duel i prapambetur nga ku mund të varet shumë titulli.