Një tjetër plagosje në sektorin minerar u shënua paraditen e kësaj të premteje në një nga galeritë e kromit në zonën e Martaneshit.
53 vjeçari me inicialet N.L, është plagosur në frontin e punës në galeritë e Batrrës në zonën e Martaneshit.
Ai është tranportuar për të marrë ndihmën mjekësore në spitalin e Burrelit, ku mësohet se është jashtë rrezikut për jetën.
Ndërkaq, ende nuk dihen rrethanat e aksidentit, ndërsa grupi hetimor ka shkuar në vendin e ngjarjes.
5 muajt e parë të këtij viti kanë shënuar një numër rekord aksidentesh në galeritë e kromit, ku pasojet me vdekje kanë qenë në 5 minator.
