Një qytetar i kthyer në Shqipëri nga vendet e prekura me koronavirus është gjobitur me 700 mijë lekë të reja, pasi ka dalë nga banesa dhe ka thyer rregullin e vetëkarantinimit të detyrueshëm.
Bëhet fjalë për shtetasin me iniciale K. B., banues në Tiranë. Ai ka hyrë në territorin shqiptar më datë 11 mars të këtij viti.
Ai u konstatua në rrugë nga strukturat e Policisë dhe u ndëshkua me gjobë.
Në të gjithë vendin janë gjobiur me 10.000 lekë, 65 shtetas, të cilët lëvizin në këmbë apo me biçikleta, pa arsye apo emergjencë, njëri prej të cilëve u shoqërua në komisariat dhe u procedua penalisht për kundërshtim të urdhrit të punonjësit të Policisë.
Po ashtu, gjatë 24 orëve të fundit janë evidentuar 76 drejtues mjetesh që kanë shkelur urdhrin e ndalim qarkullimit. Ata janë ndëshkuar me heqje të lejes së drejtimit dhe bllokim mjeti.
