Tiranë/ Shiste drogë në lokalet e Bllokut dhe Porcelanit, arrestohet 24-vjeçarja

Policia e Tiranës ka arrestuar një 24-vjeçare, pasi shiste drogë në disa zona mjaft të frekuenturara në Tiranë, kryesisht në lokale me muzikë.

Bëhet fjalë për shtetasen me iniciale D. Z., e cila shiste në lokalet me muzikë në zonën e Porcelanit, Pazarit të Ri dhe Bllokut, doza me heroinë, ekstazi, metadon dhe lëndë narkotike në formë të lëngët.

Personave të ndryshëm, ajo ua shiste lëndën narkotike kundrejt çmimeve që varionin nga 1.000 lekë të rinj deri në 10.000 lekë të rinj për një dozë (kokërr).