Bashkia e Tiranës përveç investimeve brenda qytetit, një tjetër fokus në punën e saj ka pasur edhe përmirësimin e infrastrukturës dhe shërbimeve në zonat rurale.

 

Ndërmarrjet e Bashkisë po punojnë për hapjen e kanaleve anësore dhe mirëmbajtjen e rrugës Sauqet- Pinet. Paralelisht po punohet edhe në rrugën  e” Taganit” Njësia Administrative Petrelë duke e bërë këtë fshat lehtësisht të aksesueshëm, si nga banorët e zonës dhe për të gjithë ata që duan të shijojnë natyrën.

 

Me intensitet të lartë punimet vijojnë edhe për shtrimin me stabilizant të rrugës në lagjen e Mallikajve, Prush, Njësia Administrative Vaqarr duke bërë komunikimin e këtyre banorëve më të lehtë.

 

Këto rrugë jo vetëm do të lehtësojë lëvizjen e automjeteve, por në të njëjtën kohë do të afrojë edhe më shumë banorët që tregtojnë produktet bujqësore të zonës me tregjet e Tiranës. Përmirësimi i infrastrukturës rrugore në zonat rurale, shoqërohet me rritje dhe diversifikim të prodhimit bujqësor, që në periudhën afatgjatë rrit të ardhurat dhe përmirëson cilësinë e jetës së banorëve të këtyre zonave.

 

Përfundimi i disa prej projekteve madhore në zonën urbane të kryeqytetit  dhe mirëmenaxhimi i ka dhënë mundësi Bashkisë së Tiranës që të rrisë vëmendjen e saj në zonat rurale të ish-komunave.

 

 

 

Leave a Reply

Your email address will not be published. Required fields are marked *