Pranimi i Malit të Zi në vendet e Aleancës së Atlantikut të Veriut rrit stabilitetin në rajonin e Ballkanit. Kështu thuhet në letrën që numri një i diplomacisë amerikane, Rex Tiellerson i ka dërguar krerëve të senatatit duke kërkuar miratimin e saj.
Në këtë letër sekretari amerikan i shtetit ka kërkuar që senati të votojë pro anëtarësimit, duke thënë se “kjo është fuqishëm në interes të Shteteve të Bashkuara”.
Në letrën dërguar më 7 mars, zoti Tillerson ka argumentuar se pranimi i Malit të Zi në NATO, është mbështetje për integrimin, reformën demokratike, tregtinë, sigurinë dhe stabilitetin në Ballkan, shkruan REL.
Për muaj të tërë, votimi në Senat për këtë çështje është shtyrë nga vërejtjet e dy senatorëtve republikanë, Rand Paul dhe Mike Lee.
Mali i Zi, me 650 mijë banorë, shpreson ta fitoj mbështetjen e të gjitha 28 shteteve të NATO-s me kohë, për tu bërë anëtar i plotë në samitin e NATO-s në muajin maj.
Deri tash është mbështetur nga 24 shtete aleate në NATO.
