Alba, Anduel dhe Andrea kanë vijuar të shkelin rregullat në mënyrë të përsëritshme brenda Fermës VIP. Si pasojë, Agai ka vendosur që t’i dënojë të tre.
Në rast se përsëritet shkelja e rregullave, Agai i paralajmëron se do të ndërmarrë vendime drastike.
“Për thyerjes të vazhdueshme të rregullave me koshiencë të plotë të rregullores së Ferma VIP, Agai ka marrë një vendim për të tre ju. Nëse ndonjëri prej jush do të shpallet fitues i edicionit do t’iu zbriten 10 mijë euro nga çmimi i madh prej 100 mijë eurosh”, thuhej në zarfin e lexuar nga Luana Vjollca.
Moderatorja shtoi se ky rregull vlen edhe për fermerët e tjerë nëse thyejnë rregullat e vendosura nga Agai./vizionplus.tv
