Thirrje për akte terroriste, vihet në pranga një person me urdhër të SPAK

Një 46-vjeçar është arrestuar me urdhër të Prokurorisë së Posaçme, nën akuzën e nxitjes së terrorizmit.

Gentian Çollaku, banor i Kavajës, dyshohet se ka bërë thirrje për akte terroriste, përmes përdorimit të 16 profileve që kishte në rrjetet sociale.

Çollaku, sipas prokurorisë, bënte postime në mbrojtje të imamëve, që rekrutonin persona për luftën në Siri.

46-vjeçari është lënë në burg nga gjykata, deri në përfundim të hetimeve.