Ish-kryeministri Sali Berisha ka paralajmëruar me tone të ashpra mazhorancën se nëse nuk miraton nismën e PD për vettingun në politikë atëherë rrugët do ushtojnë: O djem rrëmbeni armët, ja vdekje ja liri.
Nga foltorja e Kuvendit, Berisha e akuzoi qeverinë se nuk e do vettingun në politikë.
Me një gjuhë të ashpër Berisha i bëri thirrje mazhorancës që ta pranojë amendamentin e PD dhe të bëhet shembull për rajonin.
“Rama e filloi karrierën e tij me një vilë të ndërtuar dhe më falni qytetarë se dje ju dhashë informacion të gabuara, sot i kam të sakta, të ndërtuara në katër bunker, në total banon në një sipërfaqe prej 1 mijë metër katrorë. Ju ftoj ta hidhni poshtë këtë studentë. Klikoni në google eardh dhe do të gjeni çdo gjë të përshkruar për sarajet e Ramës. Palo burra, palo kriminelë.., pse ju nuk pranoni amendamentin? Pranoni dhe të ulemi mes nesh të marrim dhe ekspertë ndërkombëtarë dhe ta bëjmë model për mbarë rajonin, por ju nuk e donin. Ose miratoni amendamentin ose përndryshe në rrugët e qytetit do ushtojë: O djem rrëmbeni armët, ja vdekje ja liri.:
Sipas Berishës miratimi i amendamentit të PD do të ishte një mesazh I fuqishëm drejt BE, për hapjen e dyerve.
“Ky amendament do të ishte mesazhi më i fuqishëm drejt BE, për hapjen e dyerve. Këto që them nuk janë fiction por kanë emër, dhe kanë maxhorancën. Ndaj dhe ju e konsideroni këtë si grackën ku shpirti i kriminelit kapet si laraska. Komisioni i Venecias ka thënë se kjo është një nismë legjitime sepse në Shqipëri lidhjet me krimin në të gjitha nivelet janë një realitet. Jam dakord që ka probleme dakord, që ky proces mund të përdoret për qëllime politike, atëherë qëndrimi është që të ulemi dhe të draftojmë ligjin që askush të mos mund ta përdorë atë për qëllime pulitke, në mënyrë që në këto ulëse të mos ulen kokat e mafies.”
Gjatë fjalës së tij, Berisha e akzuoi kryeministrin Rama se vijon të bashkëqeverisë me krimin.
