Presidenti i Kosovës, Hashim Thaçi ka shkruar në lidhje me intervistën e presidentit te ndjerë, Ibrahim Rugova, i cili me 1994 ishte shprehur pro shkëmbimit te territoreve.
Përmes një postimi në rrjetin social Facebook, ai nuk është habitur fare me reagimin e disa ish bashkëpunëtorëve të Rugovës, të cilët janë munduar ta mohojnë këtë.
“E pritshme! Me përjashtime te vogla, disa prej atyre që e promovojnë veten si bashkëpunëtorë të Presidentit Ibrahim Rugova, po vërtetohet që atëherë, as nuk i kanë dëgjuar, as nuk i kanë kuptuar qëndrimet dhe deklaratat e tij. Së paku, le ta bëjnë një gjë të tillë sot.”
Presidenti Thaçi gjithashtu ka postuar një pjesë të Intervistës të Rugovës, duke nënvizuar fjalët ku Rugova shprehet kundër ndarjes, por thotë se mund të ketë ndonjë pazar për shkëmbim të territoreve.
