Thaçi reagon për arrestimet e EULEX: Nuk ka arsye për aksione spektakolare

Presidenti i Kosovës, Hashim Thaçi reagoi për aksionin e EULEX me bastisjen e zyrave të UÇK-së dhe arrestimet e veteranëve. Në një deklaratë për mediat, Thaçi garantoi se asnjë i pandehur nuk do t’i largohet drejësisë, duke ironizuar aksionin.

“Asnjë grackë e ngrehur nga kushdo nuk do ta vendosë Kosovën në anën e kundërt të drejtësisë. Është e qartë se kërkohet bashkëpunim i ndërsjellë, në perputhje me legjislacionin me të cilin janë themeluar Dhomat e Specializuara. Kjo drejtësi speciale është e obliguar që t’i përmbahet dhe të veprojë në kuadër të Kushtetutës së Kosovës dhe t’i respektojë të drejtat e të gjithëve. Asnjë i pandehur potencial nuk do t’i ikë drejtësisë. Prandaj, vlerësoj se nuk ka asnjë arsye për ekspedita apo aksione spektakulare. Ndërsa integriteti dhe dinjiteti i secilit qytetar duhet të respektohet.”

Hashim Thaçi vlerësoi se veteranët e UÇK janë vlera më sublime e rezistencës dhe lëvizjes së Kosovës për liri e pavarësi.