Presidenti i Kosovës, Hashim Thaçi do të zhvillojë jë vizitë zyrtare në SHBA, ku pritet që të takohet me përfaqësues të lartë të Shtëpisë së Bardhë, të Departamentit të Shtetit, Kongresit, Senatit, si dhe me personalitete që kanë mbështetur Kosovën.
“Në Shtëpinë e Bardhë, presidenti Thaçi do të zhvillojë një takim me John Bolton, Këshilltar për Siguri Kombëtare i presidentit të SHBA-së, Donald Trump. Presidenti Thaçi, po ashtu, do të takohet edhe me Sekretarin e Departamentit të Shtetit, Mike Pompeo”.
Presidenti Thaçi në këto takime, pritet të bisedojë për marrëdhëniet dypalëshe, për perspektivën euroatlantike të Kosovës si dhe për arritjen e një marrëveshjeje gjithëpërfshirëse dhe ligjërisht obliguese me Serbinë, e cila siç thuhet, “i siguron njohje nga Serbia dhe i hap rrugë për anëtarësim në BE, NATO dhe OKB”.
Gjithashtu gjatë qëndrimit në SHBA, Thaçi do të zhvilloje në Dallas me ish-presidentin George Ë.Bush si dhe me komunitetin shqiptaro-amerikanë atje.
