Tetë pacientë në spitalin “Shefqet Ndroqi” në Tiranë janë në repartin e terapisë intensive në gjendje kritike për jetën. Për shkak se të sëmurët kronikë nuk kanë qenë të vaksinuar, gripi e ka rënduar gjendjen e tyre shëndetësore.
“Mesi i shkurtit fillimi i marsit themi që do jenë ngarkesa nga gripi dhe rritje të numrit të rasteve. Ky kontigjent duhet të vaksinohet pasi shpëtojnë nga komplikimet. Aktualisht në repartin e tërapisë intensive janë 8 pacientë. Trajtohen kontigjenti i atyre pacientëve të cilët kanë problematika dhe komplikacione që vijnë nga gripi.”
ALMA CANI
NENDREJTORE E SPITALIT “SHEFQET NDROQI”
Vetëm pak ditë pasi u shënua viktima e parë e gripit në vendin tonë, mjekët apelojnë që popullata të vaksinohet pasi nga mesi i muajit shkurt pritet të arrihet kulmi i sezonit të gripit.
Pasi OBSH shpalli gjendjen e emergjencës ndërkombëtare për shkak të përhapjes së shpejtë të koronavirusit duket se qytetarët janë bërë më të vëmendshëm dhe i drejtohen spitalave në rastet e simptomave të gripit.
