Numri i të infektuarëve në Tiranë pëson një rritje të ndjeshme. Në orët e fundit janë identifikuar 20 raste të reja, ku pjesa me e madhe vijnë nga vatra e infeksionit e zbuluar në burgun “313” në kryeqytet.
Të 13 mbartësit e virusit në institucionin e vuajtjes së dënimit dyshohet se janë persona kontakti pasi një efektiv dhe një i dënuar për trafik të lëndëve narkotike, italiani Giacomo De Cosimo janë infektuar prej ditësh.
Të sëmurët ne trajtim intensiv në të dyja spitalet janë tetë.
Këtë të enjte numri i të infektuarëve është i barabartë me të shëruarit, 29.
Për specialistët e Institutit të Shëndetit Publik, përtej luhatjes së shifrave të ditës, situata është nën kontroll. Për ta treguesi i vërtetë është numri i të shtruarve në të dy spitalet Covid, me 34 pacientë, ç’ka sipas tyre janë shifra të qëndrueshme.