Sot do të mblidhet Komisioni i Posaçëm i Reformës Territoriale, ndërsa skadon edhe afati i fundit i mazhorancës që Partia Demokratike t’i rikthehet punimeve.
Partia Socialiste është shprehur se, nëse PD vijon bojkotin, do të heqë bashkëdrejtimin në mënyrë që të vijojë puna për reformën territoriale.
Mbetet për t’u parë nëse opozita do t’i përgjigjet ultimatumit të shumicës, teksa më herët kryedemokrati Sali Berisha është shprehur se bojkoti do të vijojë.
Ndryshimi i përbërjes së komisionit, nëse bojkoti i demokratëve vijon, parashikohet të votohet të martën në seancë plenare.
