Një tërmet prej 5.7 ballësh ka goditur Rumaninë të martën, tha Qendra Sizmologjike Mesdhetare Evropiane.
Sipas ueb-faqes të kësaj qendre, lëkundjet e kanë pasur epiqendrën 73 kilometra në verilindje të Drobeta-Turnu Severin.
Thellësia e tërmetit ishte 10 kilometra nga sipërfaqja e tokës.
Dridhjet e tokës janë ndierë edhe në Kosovë dhe Serbi.
Lëkundja në Rumani, vjen në kohën kur Turqia dhe Siria po përballen me pasojat e tërmeteve shkatërruese të 6 shkurtit që kanë marrë jetën e mbi 35.000 personave.
