Tërmeti, dëmtohen mbi 67 banesa në qarkun e Dibrës

Termeti i pasdites së të shtunës i rënë në zonën e Dibrës ka shkaktuar dëmtimin e disa banesave.

Sipas një bilanci dëmesh që Ministria e Mbrojtjes ka publikuar pas tërmetit të fuqishëm  5.1 ballë i shkallës rihter,  i cili ka dëmtuar 12 banesa në Bashkinë Klos, 8 në Mat dhe 47 në Bashkinë Bulqizë.

Dëmet kryesisht konsistojnë në çarje muresh dhe tavanesh.

Ndërkohë specialistët e Emergjencave Civile në bashkitë të cilat kanë pasur problematika në lidhje me lëkundjet e tërmetit janë në terren së bashku me punonjës të tjerë të bashkive për tu ardhur në ndihmë banorëve.