“Tërmet” tek Milani, shkarkohet Maldini, përplasje me presidencën për projektin kuqezi

Tërmet tek Milani. Vetëm pak orë pas mbylljes së sezonit, ku Milani siguroi pjesëmarrjen në Champions duke u renditur në vendin e katërt, ambienti kuqezi është shokuar nga lajmi për largimin nga detyra të dy drejtuesve më të rëndësishëm Paolo Maldini dhe Frederik Masara. Vendimi për shkarkimin e dy drejtorëve, atij të zonës teknike dhe të zonës sportive, është marrë nga pronari i klubit, drejtuesi i Rediberd, Gerri Cardinale. Maldini dhe masa arkitekte të ringritjes së Milanit, me të cilin fituan një kampionat në edicionin e kaluar, kishin rinovuar kontratën me presidencën pak kohë më parë, deri në qershor 2024. Mirëpo një mbledhje mes palëve ditën e hënë, ka bërë që ndarja të jetë e parakohshme dhe përfundimtare. Mesa duket mes zonës teknike, drejtuesve të saj Maldini e Masara, si dhe presidencës së klubit, fondit amerikan redbird, ka pasur qasje krejtësisht të ndryshme mbi strategjitë që duhet ndjekur në merkato dhe për të ardhmen e Milanit. Maldini kohët e fundit i mbështetur edhe nga deklaratat e trajnerit Pioli ka kërkuar investime më të rëndësishme për përforcimin e ekipit kuqezi, në mënyrë që të ketë objektiva të mëdha në sezonin e ri. Ndërsa nga ana tjetër Cardinale dëshiron që theksi të vihet tek investimi për lojtarët e rinj, që nuk kushtojnë shumë. Largimi i dy drejtuesve, veçanërisht i një legjende si Paolo Maldini, ka shokuar tifozët dhe ambientin milanist, që tani pret me ankth çdo të ndodhë me Milanin. Ylli i ekipit Leoa, që sapo ka rinovuar, ka reaguar i habitur në rrjetet sociale, ndërkohë që ka pikëpyetje të forta se çfarë do të ndodhë edhe me trajnerin Pioli. Orët në vazhdim do të sheshojnë më shumë pikëpyetje mbi atë që po ndodh tek 19 herë kampionët e Italisë.