Tërhoqi zvarrë qenin me motor, procedohet penalisht 64-vjeçari
Një 64-vjeçar është proceduar penalisht nga Policia e Lushnjes, pasi akuzohet për “keqtrajtim të kafshëve”. Bëhet fjalë për shtetasin me iniciale F.H., i cili tërhoqi zvarrë me motor qenin e tij, ku si pasojë, qeni ngordhi.
Ngjarja ndodhi në aksin rrugor Çermë-Lushnjë dhe fotoja u publikua në rrjetet sociale.
“Duke marrë shkas nga një foto e publikuar në rrjetet sociale, ku një kafshë shtëpiake (qen), kishte ngordhur pasi pronari i tij e kishte tërhequr zvarrë me motorr në aksin rrugor Çermë-Lushnjë, ju sqarojmë se: Specialistët për Hetimin e Krimeve në Komisariatin e Policisë Lushnjë, menjëherë identifikuan dhe shoqëruan në ambientet e Policisë, bashkë me motomjetin e tij me targa LU199A, shtetasin F. H., 64 vjeç, banues në Zhamë, Lushnjë”, theksohet në njoftimin e policisë.
