Theresa May pritet te marre te mërkurën drejtimin e qeverise britanike. Lajmin e beri te ditur kryeministri David Cameron, i cili garantoi edhe mbështetjen per te. Mey, 59 vjeç, sekretare e brendshme ne kabinet, mbeti kandidatja e vetme per postin e kreut te konservatoreve dhe njëherazi te kryeministrit te vendit, pas tërheqjes nga gara te rivales se saj, Andrea Leadsom.
“Zonja Lidsom mori vendimin e duhur. Jam i lumtur qe zonja Mei do te me pasoje. Ajo është e forte, e afte per te siguruar liderishipin qe i duhet Britanisë dhe do te kete mbështetjen time te plote. Një periudhe e gjate tranzicioni nuk është e nevojshme. Nesër do te mbaj mbledhjen e fundit te kabinetit. Te mërkurën do te jem ne Dhomën e Komuneve per t’iu përgjigjur pyetjeve dhe me pas ne pallatin mbretëror do te paraqes dorëheqjen tek Mbretëresha”.
Pas rezultatit te referendumit te 23 qershorit, ku u vendos dalja e Britanisë nga BE, kryeministri Cameron njoftoi se do te qëndronte ne detyre deri ne zgjedhjen e kreut te ri te qeverise. Kryeministrja e ardhshme do te drejtoje negociatat e Brexit me liderët e Bashkimit Europian.
