Një prej përfaqësuesve të Komuniteti Mysliman të Shqipërisë ka reaguar lidhur me incidentin e rëndë të ndodhur këtë mëngjes, gjatë faljes së Fiter Bajramit, në Sheshin “Skënderbej”.
“Sot është ditë feste, ditë gëzimi dhe ngjarje të tilla nuk i shërbejnë mesazheve të kësaj feste. Incidente të tilla nuk kanë të bëjnë aspak me një besimtar me një mendje të shëndoshë”, ka thënë ai.
Një person ka lyer veten me benzinë këtë të enjte dhe ka tentuar të vetëdigjet ne mesin e besimtarëve.
Ndërhyrja e qytetarëve ka shmangur ngjarjen e rëndë dhe më pas ai është neutralizuar edhe nga forcat e rendit.
