Policia e Tiranës ka vënë në pranga një 35-vjeçar, pasi u përpoq të korruptonte punonjësin e policisë rrugore.
Sipas policisë, drejtuesi i mjetit me iniciale A.M i ka dhënë një kartëmonedhë 2000 lekë të reja, agjentit verifikues, për të shmangur verifikimet e mëtejshme dhe ndëshkimin për kundravajtjen e konsumuar.
Arrestimi i drejtuesit të automjetit tip “Citroen” me targë AA 374 OZ, është bërë në rrugën e Barrikadave.
Ndërkohë policia gjatë kontrolleve të kryera, përveç shtetasit me iniciale A.M, ka kapur në flagrancë edhe dy drejtues mjetesh për drejtim mjeti në mënyrë të parregullt.
