Ndërtesa tre katëshe që shikoni në foto është, banesa në pronësinë të Iliaz Katiraj, një personazh që u bë shumë i njohur nëpër portale pasi tentoi të qëllonte me këpucë kryeministrin Rama.
Katiraj u përpoq që të qëllonte me këpucë shefin e qeverisë në Spitalin e Traumës në Tiranë, gjatë vizitës që ai po bënte te policët e plagosur në protestën e banorëve para kuvendit, ku efektivja e forcave Shqiponja”, Ina Nuka humbi dy gishtërinj.
Gjatë seancës gjyqësore ku caktohej ndaj Katirajt masa e sigurisë “arrest me burg”, bashkëshortja e tij, ishte për faktin se qeveria po i objektin ku ai banonte në zonën e Astirit. Sipas tyre, Katiraj e ka këtë objekt mundësinë e vetme për të mbijetuar dhe mbajtur familjen.
Por nga verifikimi i dokumentave zyrtare, Katiraj duket se nuk ka ndërtuar pa leje vetëm në Tiranë në zonën e Astirit, duke zënë gjurmën e Unazës së Madhe të Tiranës. Dokumentat vertetojnë se ai është pronar objektesh të ndërtuara pa leje në zona të lakmuara bregdetare si Saranda e Ksamili.
Sipas dokumenteve dhe fotove që shikoni, Katiraj ka objekt 3 kate në Berdenesh të Sarandës, me sipërfaqe të parcelës ndërtimore 498.5 metra dhe sipërfaqe totale ndërtimi për banim 378 m2. Për këtë objekt pa leje, Katiraj ka marrë fletën e legalizimit në 3 Mars të vitit 2009, firmosur nga ish-drejtori i ALUIZN-it, Shaban Memia. Ndërtesa 4-katëshe është legalizuar, edhe pse është buzë detit,. duke shkelur çdo ligj për ndërtimet në bregdet.
