Tentoi të blinte votat, ndalohet kreu i grupit të Këshilltarëve të LSI-së

Tjetër incident ka ndodhur në Korçë me LSI-në. Pajtim Myrtollari, kryetari i grupit të këshilltarëve të LSI-së në Këshillin Bashkiak në Korçë është ndaluar nga policia.

Ndalimi i tij është bërë nga policia, pasi tentoi që të blinte votat, madje në mjetin e tij janë gjendur prova materiale.

Në pranga mesditën e sotme ra edhe një komisionier I LSI-së po në Korçë, pasi tentoi të votonte dy herë.