Britani e Madhe- Një “kopshtar” u përpoq të arratisej nga dritarja e katit të parë teksa policia shkoi të kontrollonte një pronë e cila ishte shndërruar në një fermë kanabisi.
Shqiptarit Krisjan Nikolli, 26 vjeç, iu ofruan 6000 £ për t’u kujdesur për rritjen e kanabisit.
Teksa policia po kryente kontrollin, Nikolli, një emigrant i paligjshëm, i cili më parë ishte futur kontrabandë në vend, tentoi të arratisej nga një dritare e katit të parë. Ai arriti të arrestohej dhe u dërgua në burg. Në shtëpi u gjetën dy dhoma me kanabis.
Njëra përmbante 27 bimë, dhe tjetra kishte 36, me llamba dhe transformatorë të lidhur. Dy telefona celularë dhe 2,000 £ para u gjetën dhe sekuestruan në një dhomë në katin e sipërm.
“I pandehuri u përpoq të arratisej përmes një dritareje të katit të fundit të shtëpisë, por u ndalua,”.
Nikolli u deklarua fajtor për kultivimin e kanabisit, por ai tha se nuk e kishte ngritur fermën dhe po vepronte si ‘kopshtar’ për t’u kujdesur për bimët e kanabisit.
Ai kishte pranuar vullnetarisht të përfshihej dhe shpresonte të përfitonte financiarisht për të shlyer borxhet.
Avokati i tij tha se Nikolli ishte në borxhe ndaj trafikantëve që e kishin ndihmuar të hynte ilegalisht në Mbretërinë e Bashkuar.
Nikolli u dënua me 20 muaj burg./vizionplus.tv
