Drejtuesja e grupit parlamentar demokrat, Rudina Hajdari e ka cilësuar djegien e shkollës në SHkodër si një traumë kombëtare.
Në një postim në “Facebook”, Hajdari akuzon agresorët se nuk janë as demokratë e as sociaslitë por servilë të kryetarit që shpresojnë të shpërblehen me poste drejtuese.
Hajdari thekson se do të dhurojë rrogën e saj për për riparimin e shkollës ndërsa ka karkuar ndërgjegjësim nga çdo shqiptar.
Të dashur demokratë, Djegia e shkollave në Shkodrën e kulturës dhe traditave ishte një traumë kombëtare dhe dhunë anti-shqiptare. Për këto arsye vendosa sot që pagën (rrogën) mujore t’a dhuroj për riparimin e dritareve të shkollës që u dogj dje në këtë qytet nga ata që nuk janë as demokrat dhe as socialist por thjesht servil të kryetarit dhe shpresojnë që në të ardhmen të shpërblehen me parimin: “Kush djeg dhe shkatërron më shumë bëhet drejtor ose doganier” Le të jetë paga ime fillimi i një fushate ndërgjegjësimi nga çdo shqiptar që kërkon një Shqipëri si Europa. Me respekt, Rudina A. Hajdari
