Kryeministri grek Kyriakos Mitsotakis i dërgoi një mesazh Turqisë duke thënë se Traktati i Lozanës nuk do të rishikohet dhe se një shekulli i vlefshmërisë së tij do të pasohet nga shumë të tjerë.
Komenti i Mitsotakis erdhi teksa Erdogan ka përsëritur shpesh se ai traktat duhet të ndryshojë.
KYRIAKOS MITSOTAKIS
KRYEMINISTRI GREK
Traktati i Lozanës ka rregulluar bashkëjetesën tonë me fqinjët tanë. Dhe kjo, pavarësisht se Turqia e ka shkelur duke çrrënjosur elementin grek të Kostandinopojës, Imbros dhe Tenedos. Turqia ende minon rregulloret e saj të qarta, duke vënë në pikëpyetje të drejtat tona sovrane. Megjithatë, pala tjetër e Egjeut duhet të kuptojë se në shekullin gati të vlefshmërisë së këtij Traktati, ai do të pasohet nga shumë të tjerë. Këtë e kërkon Historia dhe Gjeografia, legjitimiteti dhe stabiliteti ndërkombëtar.
Mitsotakis nuk nguroi të kërcënonte Turqinë duke i përmendur forcat e armatosura.
KYRIAKOS MITSOTAKIS
KRYEMINISTRI GREK
Greqia garanton dhe do të garantojë respektimin e saj, me mburojën e diplomacisë dhe aleancat e saj, por edhe me shtizën parandaluese të Forcave të Armatosura dheme marshimin e saj të vazhdueshëm drejt progresit. Sepse përballja e vërtetë e një vendi është me të kaluarën dhe të ardhmen e tij.
Kryeministri grek e cilësoi si fatkeqësi shpërnguljen e grekëve nga Azia e Vogël edhe pse tha se që atëherë populli grek ka nxjerrë mësime të mëdha dhe ka ditur të kalojë sfida të rëndësishme.
