Tension dhe përplasje në sheshin “Skënderbej” mes policisë dhe protestuesve

Situata në sheshin “Skënderbej” vijon të jetë mjaft e tensionuar. Pas shpërndarjes së parë nga ana e policisë, protestuesit u rigrumbulluan sërish në sheshin “Skënderbej”.

Nga ana e protestuesve janë hedhur fishekzjarrë dhe sende të forta në drejtim të policisë, ndërkohë që policia është përgjigjur me gaz lotsjellës.

Po ashtu, ka pasur tensione dhe përplasje në disa rrugë të Tiranës.