Për here te pare tenisi luhet edhe në hapësirë.
Në Stacionin Ndërkombëtar Hapësinor, astronauti Andrew Feustel ka luajtur me anëtarët e tjerë të ekuipazhit Ricky Arnold, inxhinierin e fluturimit të NASA-s, dhe Alexander Gerst, inxhinierin e fluturimit të Agjencisë Hapësinore Evropiane.
Për Feustel, komandantin e ekspeditës 56, është një sfidë shumë e veçantë të luash tenis në një vend ku graviteti është zero. Kjo është një ngjarje, përgatitja e të cilës ka filluar qe në dhjetor 2017, me shoqatën e tenisit te Shteteve të Bashkuara.
Trajnimi fizik është thelbësor për astronautët të cilët duhet të mbeten të shëndetshëm dhe të aftë për te përballuar kushtet e stacionit hapësinor.
Kjo është arsyeja pse çdo ditë astronautët duhet te bënin të paktën 2 orë stërvitje për të shmangur dobësimin e muskujve dhe kockave. Për t’u përgatitur se si të luajë tenis, komandant Feustel pati gjithashtu ndihmën e lojtarit argjentinas te tenisit Juan Martin Del Potro, i cili i dha atij disa këshilla.
