Prokuroria e Tiranës vazhdon hetimet për vrasjen e Ruzhdi Hoxhës.
Ditën e zhdukjes së biznesmenit Hoxha ka rezultuar se Fredi Rrushi e ka marrë tre herë në telefon dhe nuk është pergjigjur.
Më pas nga një telefon i një personi tjetër që ishte në tavolinë me Hoxhën e ka telefonuar dhe i ka thënë pse nuk më pergjigjesh, ku je?
Rrushi rezulton se ka marrë mjetin dhe bashkë me biznesmenin janë nisur drejt Dajtit.
Pajtim Rrushi sipas burimeve ka fshehur makinën e të vellait që mund të shërbente si provë për të mbledhur gjurmët e ADN.
Pajtimi nuk ka treguar asgjë për ngjarjen dhe ka mohuar të ketë pasur dijeni për vrasjen e Ruzhdi Hoxhes.
Po ashtu vellai i te dyshuarit si autor nuk ka pranuar që të kishte lidhje me zhdukjen e makinës.
Por i vënë perballë pamjeve filmike ai ka heshtur. Ruzhdi Hoxha u gjet paraditen e te shtunes ne zonen e Qafe-Molles, ndersa trupi i tij ishte mbuluar me zhavor.
