“Të vendosur për të mos njohur Kosovën”, Serbia falenderon Spanjën për qëndrimin

Mediat serbe kanë zbardhur bisedën që ka zhvilluar të mërkurën ministri i Mbrojtjes së Serbisë, Nebojsha Stefanoviç me shefin e Shtabit të Përgjithshëm të Forcave të Armatosura të Spanjës, Teodoro Esteban López Calderón.

Gjatë asaj bisede, shkruan b92, Teodoro Esteban López Calderón përsëriti qëndrimin e Spanjës për mosnjohjen e Kosovës.

Stefanoviç i shprehu gjithashtu mbështetje Spanjës për integritetin territorial, pasi edhe iberikët kanë pasur një problem të ngjashëm me Katalonjën.

Duke kujtuar marrëdhëniet miqësore midis dy vendeve, Stefanoviç shprehu kënaqësinë me nivelin e arritur të bashkëpunimit në fushën e mbrojtjes dhe vuri në dukje mundësitë për përmirësimin cilësor të tij.