Bllokimi për disa ditë i portalit “e-albania” ka vënë në vështirësi bizneset për dorëzimin e pasqyrave financiare.
Ndonëse ministria e financave e shtyu këtë afat, kontabilistet kërkojnë edhe 15 ditë kohë shtesë.
Ndonëse shërbimet në portal janë rikthyer, kontabilistët argumentojnë se ai nuk funksionon në mënyrë të plotë, ndoshta edhe për shkak të ngarkesës.
Për këtë arsye ata i janë drejtuar ministrisë për afatin e ri. Kontabilistet vërejnë se mos shtyrja e datës finale, që është fundi i korrikut, mund t’i ngarkojë ata me penalitete të panevojshme.
