Të shtëna me armë zjarri në Lezhë, plagoset 22-vjeçari

Një plagosje është regjistruar gjatë natës së mbrëmshme në Lezhë. Mësohet se si pasojë ka mbetur i lënduar Aleks Laska, 22 vjeç.

Ky i fundit është paraqitur për ndihmë mjekësore në urgjencën e Spitalit Rajonal Lezhë, ndërsa gjendja e tij shëndetësore paraqitet jashtë rrezikut për jetën.

Ende nuk dihen rrethana lidhur me plagosjen e 22-vjeçarit.

Policia po punon për zbardhjen e ngjarjes, identifikimin dhe arrestimin e autorëve.