Të dehur dhe me shpejtësi “skëterrë”, arrestohen 16 persona, hiqen me dhjetëra patenta
16 shoferë janë arrestuar gjatë dy ditëve të fundit, nga të cilët 7 për drejtim mjeti pa leje drejtimi dhe 9 në gjendje të dehur.
Ndërkohë, janë pezulluar 89 leje drejtimi, nga të cilat 60 për shpejtësi mbi normat e lejuara, 27 për drejtim mjeti nën efektin e alkoolit apo në gjendje të dehur dhe 2 për qarkullim në sens të kundërt.
Në të gjithë vendin, 2378 drejtues mjetesh janë ndëshkuar me gjobë për shkelje që janë rrezik potencial për përfshirje në ngjarje rrugore.
Efektivët e Komisariatit Rajonal të Policisë Rrugore Tiranë, gjatë kontrolleve parandaluese, në rrugën “Jordan Misja”, kanë goditur një rast të mitëdhënies. Duke drejtuar mjetin nën efektin e alkoolit, M.L. iu ka ofruar punonjësve të Policisë, një kartëmonedhë të prerjes 20 euro, me qëllim shmangien e ndëshkimit.
