Rreth 380 balena kanë ngordhur pasi u bllokuan në Australi, thonë zyrtarët. Që nga e hëna, qindra balena pilote me pendë të gjata janë gjetur në bregun perëndimor të Tasmanisë. Ky mendohet të jetë bllokimi më i madh.
Ekipet e shpëtimit kishin arritur të shpëtonin 50 balena deri të mërkurën vonë dhe ata po përpiqeshin të ndihmonin 30 balenë të tjera.
“Ndërsa ata janë akoma gjallë dhe në ujë, ka ende shpresë për ta, por me kalimin e kohës ata bëhen më të lodhur”, tha Nic Deka, menaxher rajonal për Shërbimet e Parqeve dhe Kafshëve të Egra të Tasmanisë.
Ai shtoi se fokusi tani do të zhvendoset gjithashtu në heqjen e qindra kufomave të shpërndara përgjatë bregdetit. Nuk është kuptuar plotësisht pse balenat u bllokuan.
