Të akuzuar për vrasjen e Renis Dobrës, gjykata lë në burg dy vëllezërit Bushgjokaj

Është zhvilluar këtë të shtunë masa e sigurisë ndaj dy vëllezërve Kristi e Aleksandër Bushgjokaj të akuzuar si pjesë e grupit të vrasjes së 23 vjeçarit Renis Dobra në 8 Korrik.

Dy vëllezërit u arrestuan një ditë më parë në një apartament në Tiranë pasi ishin shpallur në kërkim nga Prokuroria e Shkallës së Parë të Juridiksionit të Përgjithshëm Dibër.

Lexo edhe :

Related Posts

Detaje nga ngjarja e rëndë në Mat/ Rrëmbimi i 23 vjeçarit, dyshohet se personat u prezantuan si policë

Detaje të rënda nga ngjarja në Mat, 23-vjeçari dyshohet se u mor peng pranë banesës dhe u mbyt gjatë rrugës! E hodhën në liqen bashkë me makinën

U rrëmbye, u vra dhe u hodh në liqen, ky është 23-vjeçari nga Mati Renis Dobra

Dy vëllezërit akuzohen se në bashkëpunim me vëllain tjetër Fatjonin dhe  shtetasin Petrit Hoxha alias Petrit Cakrri rrëmbyen dhe mbytën 23 vjeçarin Renis Dobra mbrëmjen e 8 Korrikut, trupi i pajetë i të cilit u gjet në breg të liqenit të Shkopetit mëngjesin e 9 Korrikut.

Burime bëjnë me dije se ka patur debate në seancën e masës së sigurisë ku dy vëllezërit Kristi e Aleksandër Bushgjokaj kanë mohuar akuzën e përfshirjes në ngjarjen e 8 Korrikut.

Për të katër të ndaluarit Fatjon, Kristi e Aleksandër Bushgjokaj dhe Petrit Hoxha alias Petrit Cakrri pritet të nisë procesi i gjykimit në bazë të provave të mbledhura nga grupi hetimor.