Talebanët ua ndalojnë berberëve në provincën Helmand të Afganistanit që t’ua shkurtojnë mjekrën klientëve.
“Kushdo që shkel rregullin do të ndëshkohet”, paralajmëruan ata. Një urdhër të ngjashëm kanë marrë edhe disa berberë në kryeqytetin e Kabulit.
Udhëzimet sugjerojnë një kthim në vendimet e rrepta të qëndrimit të mëparshëm të grupit në pushtet, pavarësisht premtimeve për një formë më të butë të qeverisjes.
Në një njoftim të postuar në sallone në provincën jugore të Helmandit, oficerët talebanë paralajmëruan se berberët duhet të ndjekin ligjin e Sheriatit për prerjen e flokëve dhe mjekrën.
“Luftëtarët vazhdojnë të vijnë dhe na urdhërojnë të ndalojmë shkurtimin e mjekrave. Njëri prej tyre më tha se mund të dërgojnë inspektorë të fshehtë për të na kapur”, tha një berber.
