Talebanët të palëkundur: Të gjithë trupat e huaj të largohgen deri më 31 gusht!

Talebanët nuk ndryshojnë qëndrim për afatin e vendosur për trupat e huaj që të largohen nga vendi.

Sipas tyre, largimi i tyre duhet të ndodhë deri më 31 gusht ose në rast të kundërt, qëndrimi i talebanëve do të jetë i ndryshëm.

“31 gushti është koha e caktuar për largim. Çdo vonesë do të binte ndesh me marrëveshjen. Të gjithë duhet të largohen para asaj date.”

Talebanët po ashtu shtuan se për afganët do të ketë siguri dhe se nuk ka asnjë listë të njerëzve që kërkohen për hakmarrje.