Haradinaj iu pergjigj ekskluzivisht pyetjeve te Vizion Plus ne lidhje me debatin e madh per heqjen ose jo te takses qe Kosova ka vendosur ndaj mallrave serbe. Ai sqaroi edhe rolin e Tiranes ne kete diskutim.
Gazetari: Cili ka qënë qëndrimi i SHBA-ve lidhur me taksën?
Haradinaj: Amerika është aleati më besnik. Amerika i ka qendruar dhe i qëndron besnik edhe sot në tërësinë e vet. Vetëm nëse ne shkojmë dhe i themi duam një zgjidhje të tillë, ata mund ta shqyrtojnë. Por ata I kanë qëndruar besnik çështjes së Kosovës, vazhdojnë ta përkrahin Kosovën.
Gazetari:Ju patët një takim gati 2 orë në ambasadën amerikane para samitit në Berlin!?
Haradinaj: Ishte një takim shumë I mirë dhe shumë I rëndësishëm. Ambasadori z. Richard ishte një njeri shumë I rëndësishëm. Realisht biseda me të ishte e dobishme.
Gazetari: Liberalizimi i vizave, kur do të ndodhë? Kur një qytetar i Kosovës do I hipi avionit dhe do të udhëtojë lirshëm?
Haradinaj: Ka mbetur edhe pak punë. Vendimi është I marrë. Ministri I brendshëm federal gjerman e ka konfirmuar qëndrimin e Gjermanisë. Ne na kishte munguar kjo për ta kaluar në axhendën e këshillit të Europës sepse kryesuesit e BE-së, ata që kanë presidencën, si tani Rumania, më herët Austria, na kanë thënë që pa qëndrim të qartë të Gjermanisë nuk mund ta fusim në axhendë. Tashmë Gjermania e ka dhënë qëndrimin. kështu procesi I madh është në zbatim. Shpresoj që para fundit të këtij viti do të ndodhë.
Gazetari: Nuk beson që do ndikojnë zgjedhjet e Bashkimit Europian?
Haradinaj: Nuk ka të bëjë më me atë pjesë. Ka mbetur si çështje e konfirmuar nga parlamenti europian sepse ka votuar 2 herë. Tashmë ka mbetur në këshillin e BE-së.
Gazetari: Si e shikoni takimin e Brdo-Brionit dhe takimin e Thaëit e Vuçiç të thirrur nga presidenti Meta?
Haradinaj: Kjo është një mënyrë e vazhdimit të proceseve dhe iniciativava rajonale për integrimin ne BE dhe ne e mirëpesim çdo proces që ndihmon në integrimin në BE. Në margjinat e këtyre takimeve mund të ketë edhe tensione, por I mirëpresim iniciativa të tilla.
Gazetari: A mendoni që Shqipëria duhet të hyjë kaq shumë në interesin e Taksës?
Haradinaj: Unë nuk mendoj që Shqipëria duhet të mbetet indiferente në ceshtjet e interesit nacional, as në Kosovë e as në ndonjë vend që ka shqiptarë. por duhet gjithashtu të respektojë qëndrimet ëe përfaqësuesve të atij vendi. Nëse une duhet të mbaj një qëndrim për shqiptarët, duhet të kem në konsideratë qëndrimet e atyre që janë në terren. Kur ishte rasti I taksës, amerikanët thanë me pezullu taksën. Unë thash që jam ushtar në frontin e parë të amerikës kundër rusit. Vija mes Kosovës e Serbisë është vija mes Amerikës e Rusit. Unë thash që jam në vijë të parë e ti je eprori im, ti po më thua dorëzohu te armiku. unë me kushtetutë të Amerikës kam të drejtë të them jo. Shqiperia ka te drejtë të interesohet, por gjithashtu duhet të respektohet integriteti I atij që mban vijën e frontit. pra nuk më pengon kurrë interesimi I cdo bashkëkombasit tim, qoftë edhe pa detyre zyrtare për cështjet e interesit kombëtar. Përkundrazi e marr pozitivisht. por nëse jam ne vijë të frontit, e di unë çfarë drejtimi mbaj, jo ai që rri atje larg. Sepse në raste të caktuara ata nuk i kuptojnë proceset.
Gazetari: Po flisni këtu për kryeministrin Edi Rama?
Jo, por ka raste që ata që bëjnë politikat nga larg, nuk e kuptojnë gjendjen reale. Si mund dikush në Tiranë të më tregojë sa e kontrolloj unë Veriun? Unë s’mundem të vij dhe të tregoj ty si e kontrollon ti një gjë Shqipëri. Jo sepse ti që je aty e di më mirë. Ne nuk jetojmë të gjithë në parametra të njejtë. Vijmë të gjithë nga përvoja të ndryshme. Unë nuk kam kryer akademinë apo shkollën e arteve. Por kam kryer një shkollë të vështirë jetësore. që fëmijë jam përball të mbroj familjen, jetën e familjes prej një pushuesi shumë të egër. Unë çdo dy tre ditë jam në përvjetor të masakrave. Le të vijnë udhëheqësit e Shqipërisë të tre, edhe presidenti Meta dhe zoti Ruci edhe Zoti Rama, e ti përjetojnë një javë këto masakra, pas një jave ata do të jenë shumë më të ndryshëm. Kjo është ajo që dua unë të shpjegoj, lërja atij që po përballet të veprojë.
Gazetari: Kur do te hiqet taksa?
Haradinaj: Kur të na njohë Serbia. kjo është e vërteta. Kur të na njohë Serbia do hiqet taksa.
Gazetari: Një mesazh për klasen politike në Shqipëri kur Kosova është në presion të madh nga gjithë palët për të hequr taksën?
Haradinaj: Shumicën e angazhimit Shqipëria e ka të mirë për Kosovën, por duhet të na besojnë edhe kur mendojnë se ne e kemi gabim ndonjëherë. Duhet të bejmë kujdes që kur marrim qëndrim për cështje të interesit të Kosovës, është me rëndësi të kuptojnë që duhet të bëjnë kujdes.
Intervistoi: Thimi Samarxhiu
Vizion Plus
