Liderët e BE, kryeministri britanik, presidenti Zelensky dhe Sekretari i Përgjithshëm i NATo-së, Mark Rutte, zhvilluan një takim me presidentin e SHBA, Donald Trump në Uashington, ku diskutuan për gjejen e një zgjidhjeje për t’i dhënë fund luftës në Ukrainë.
Më herët presidenti trump zhvilloi një takim me presidentin Zelensky, ku ju ëprgjigjën fillimisht pyetjeve të gazetarëve dhe më aps zhvilluan një bisedë kokë më kokë.
Në takimin shumëpalësh. Presidenti Zelensky e cilësoi të suksesshëm dhe shumë të rëndësishëm bisedën me presidentin Trump, për gjetjen e rrugës së paqes.
Ai theksoi se në këtë takim pati një bisedë mbi garancitë e sigurisë, por shtoi se për çështje më sensitive si territori, do të diskutojë gjatë takimit trepalësh me Trump dhe Vladimir Putin, për çka ai është i gatshëm të marrë pjesë.
“Patëm një bisedim shumë të mirë me presidentin Trump. Jo më i miri, më i miri do të vijë, por ishte shumë i mirë. Folëm për garancitë e sigurisë. I isha falenderues gruas tuaj për fëmijët e rrëmbyer, shpresoj që të jetë historike, për njerëzit që të kthejnë pas fëmijët. Shpresojmë se do të gjejmë zgjidhje. Gjërat sensitive, territori, e të tjera, do t’i diskutojmë në takimin trilateral. Kjo është shumë e rëndësishme. Na duhen pas të gjithë njerëzit, jo vetëm fëmijët, edhe të rrobërit e luftës”, u shpreh Zelensky.
Nga ana tjetër presidenti Trump theksoi se lëvizjet e para të bisedimeve mes palëve do të sjellin gjëra pozitive, përfshirë dhe lirimin e 1 mijë të burgosurve të luftës.
Ndërsa sekretari i NATO-s Mark Rutte tha se ëhstë momenti i duhur për t’i lëvizur kartat në mënyrën e duhur për t’i dhënë fund luftës.
“Duhet ta luajmë mirë këtë, dhe t’i japim fund sa më parë. Duhet t’i japim fund. Dua të të falenderoj për këtë që po bën por edhe kolegët europianë”, tha kreu i NATO-s, Mark Rutte.
