Takimi i Kurtit me drejtorin e CIA-s, reagon qeveria e Kosovës: Dëshmi e marrëdhënieve të forta mes dy vendeve

Kryeministri i Kosovës, Albin Kurti ka takuar ditën e sotme shefin e CIA-s, Willaim Burns.

Përmes një reagimi në rrjetet sociale, Qeveria e Kosovës e ka quajtur vizitën në Kosovë të drejtorit të CIA-s, si dëshmi e marrëdhënieve të forta dhe të qëndrueshme midis dy shteteve.

Lexo edhe :

Related Posts

Shefi i CIA-s takon Albin Kurtin, një orë bisedë në Prishtinë për tensionet e fundit në veri dhe sigurinë në rajon

Takimi me shefin e CIA-s, reagon presidentja Osmani: Aleanca me SHBA garancë për siguri, paqe e sukses

 “Kryeministri i Republikës së Kosovës, Albin Kurti, sot priti në takim Drejtorin e CIA-s, William Burns.Kjo vizitë përfaqëson një moment të rëndësishëm historik në marrëdhëniet bilaterale Kosovë – ShBA, ku u theksua përkushtimi i Qeverisë dhe institucioneve të sigurisë dhe inteligjencës së Kosovës, me në krye AKI-në, për të avancuar bashkëpunimin me CIA-n.

Vizita historike e Drejtorit të CIA-s, z. William Burns, në Kosovë, vlerësohet lartë nga Qeveria e Republikës së Kosovës. Ajo është dëshmi e marrëdhënieve të forta dhe të qëndrueshme midis dy shteteve dhe është një mundësi e artë për të thelluar bashkëpunimin strategjik, për paqen dhe sigurinë në rajon dhe më gjerë.

Kryeministri Kurti e falënderoi Drejtorin e CIA-s për mbështetjen e vazhdueshme dhe shprehu përkushtimin për thellimin e bashkëpunimit në fushat me interes të përbashkët, duke e njoftuar atë që vlerat amerikane, që ndërlidhen me demokracinë, sundimin e rendit dhe ligjit dhe orientimet e palëkundura Euroatlantike, do të mbeten shtyllat qendrore të qeverisjes së mirë e demokratike në Kosovë.

Kryeministri Kurti e njoftoi Drejtorin Burns me rritjen dhe zhvillimin ekonomik si dhe progresin shoqëror e demokratik të Kosovës, duke theksuar që të gjitha sfidat e brendshme të sigurisë po menaxhohen suksesshëm me forcën e ligjit të drejtë të shtetit tonë demokratik. Në këto tri vitet e fundit, ai shtoi që Bruto Produkti Vendor i Kosovës është rritur për 33% kurse buxheti shtetëror për 35%, me ç’rast 11.1% (apo 1/9) e buxhetit vjetor i dedikohet Ministrisë së Punëve të Brendshme dhe Ministrisë së Mbrojtjes”, thuhet në njoftim. /vizionplus.tv

Takimi i kryeministrit Kurti me shefin e CIA-s vjen një ditë pas takimit të këtij të fundit me presidenten Osmani. Osmani tha se aleanca me Shtetet e Bashkuara është garancë për siguri, paqe e sukses.

“Aleanca me Shtetet e Bashkuara, garancë për siguri, paqe e sukses! Kënaqësi që mirëprita dje në Republikën e Kosovës Shefin e Agjencisë Qendrore amerikane të Inteligjencës (CIA), Ambasadorin William Burns”, shkruajti më herët presidentja Osmani. /vizionplus.tv